Saturday 23rd of February 2019

මැතිසබේ ප්‍රධානීන් තිදෙනාගේ වැඩ සොයන්න කොමිසමක්

2018 - 12 - 07       
feature-top
ඉකුත් දිනවල දී පාර්ලිමේන්තුවේ සිදු වූ නොසන්සුන්කාරී අවස්ථාවන්හි කතානායකවරයා, වේත්‍රධාරි හා පාර්ලිමේන්තු මහලේකම්වරයා කටයුතු කළ ආකාරය සම්බන්ධයෙන් සොයාබැලීම සඳහා ඉදිරි රජයක් යටතේ කොමිසමක් පත්කරන බව මාතර දිස්ත්‍රික් පාර්ලිමේන්තු මන්ත්‍රී මහින්ද යාපා අබේවර්ධන මහතා පවසයි.

එහිදී වැරදිකරුවන් වන සියලුම දෙනාට එරෙහිව සුදුසු පියවර ගන්නා බවද මන්ත්‍රීවරයා කීය. පාර්ලිමේන්තුවේ ඉකුත්දා ඇතිවූ නොසන්සුන්කාරී තත්ත්වයේදී කතානායකවරයා, වේත්‍රධාරී හා පාර්ලිමේන්තු මහලේකම්වරයා සම්ප්‍රදායට පටහැනිව ක්‍රියා කළ බවත් සෙංකෝලයට නිසි ගෞරවය ලබා දීමට ඔවුන්ට අපහසු වූ බවත් මන්ත්‍රීවරයා පැවසීය.

පාර්ලිමේන්තු සම්ප්‍රදායන් උල්ලංඝනය කිරීම සම්බන්ධයෙන්යෙන් වගකීමට මෙම පිරිසට සිදුවනු ඇතැයි ද මන්ත්‍රීවරයා කීය.

නෙළුම් මාවතේ පිහිටි ශ්‍රී ලංකා පොදුජන පෙරමුණ ප්‍රධාන කාර්යාලයේ පැවති මාධ්‍ය හමුවකට එක් වෙමින් මන්ත්‍රීවරයා මේ බව සඳහන් කළේය.
lanka lead news

More News »