ජර්මානු චාන්සලර් ඔලාෆ් ෂෝල්ස් මෙම මස 24 වැනි දා ඉන්දියාවට පැමිණීමට නියමිතව තිබෙනවා.

ඒ නිල සංචාරයක් සඳහායි.

7 වන අන්තර් රාජ්‍ය උපදේශන (IGC) සඳහා 2024 ඔක්තෝබර් 24 සිට 26 දක්වා ජර්මානු චාන්සලර්වරයා ඉන්දියාවේ නිල සංචාරයක නිරත වන බව ඉන්දීය විදේශ කටයුතු අමාත්‍යාංශය නිවේදනය කර තිබෙනවා.

ඔහු ඉන්දියාවට පැමිණෙන්නේ ඉන්දීය අග්‍රාමාත්‍ය නරේන්ද්‍ර මෝදිගේ විශේෂ ආරාධනයකින් බව ද සඳහන්.

2023 පෙබරවාරි මාසයේ ද්විපාර්ශ්වික රාජ්‍ය සංචාරයක් සඳහා සහ 2023 සැප්තැම්බර් මාසයේ දී පැවැත්වෙන G20 නායක සමුළුවට සහභාගී වීමට ද ජර්මානු චාන්සලර් ඔලාෆ් ෂෝල්ස් පසුගිය වසරේ දෙවරක් ඉන්දියාවට පැමිණි බව එම ප්‍රකාශයේ සඳහන්.

ඔක්තෝබර් 25 වැනිදා, අගමැති මෝදි සහ ජර්මානු චාන්සලර් ෂෝල්ස් 7 වැනි අන්තර් රාජ්‍ය උපදේශනවල සම සභාපතිත්වය දරනු ඇති.

එහි උපදේශන සඳහා Scholz ඔහුගේ කැබිනට් මණ්ඩලයේ ජ්‍යෙෂ්ඨ අමාත්‍යවරුන් සමඟින් පැමිණෙනු ඇතැයි ද සඳහන්.

අන්තර් රාජ්‍ය උපදේශනය යනු සමස්ත රාජ්‍ය රාමුවක් වන අතර දෙපාර්ශ්වයේම අමාත්‍යවරුන් ඔවුන්ගේ වගකීම් සහිත ක්ෂේත්‍රවල සාකච්ඡා පවත්වා ඔවුන්ගේ සාකච්ඡාවල ප්‍රතිඵලය පිළිබඳව අග්‍රාමාත්‍යවරයාට සහ චාන්සලර්වරයාට වාර්තා කරන බව ඉන්දීය විදේශ කටයුතු අමාත්‍යංශය නිවේදනය කර තිබෙනවා.